واہ رے انسانیت – کمانڈو گر کر بے ہوش ؛ اسٹیج پر بیٹھے بی جے پی قایدین تماشہ دیکھتے رہے اور جے پی نڈا اپنی تقریر جاری رکھی
بی جے پی کے پروگرام میں سیکورٹی گارڈ گر کر بے ہوش — مگر اسٹیج پر بیٹھے لیڈران بے حس، جے پی نڈا تقریر میں مصروف رہے
گجرات کے وڈودرا میں بھارتیہ جنتا پارٹی کے قومی صدر جے پی نڈا کے خطاب کے دوران ایک نہایت افسوسناک اور غیر انسانی منظر دیکھنے میں آیا۔ زیڈ پلس سیکوریٹی پر مامور ایک کمانڈو طویل وقت تک کھڑے رہنے کی وجہ سے اچانک گر کر بے ہوش ہوگیا،
لیکن حیرت انگیز طور پر اسٹیج پر بیٹھے کسی لیڈر نے نہ صرف اس کی طرف قدم نہیں بڑھایا بلکہ جے پی نڈا نے بھی اپنی تقریر ایسے ہی جاری رکھی جیسے کچھ ہوا ہی نہ ہو۔
یہ واقعہ اٹلادرا میں سردار ایٹ 150 راشٹریہ ایکتا یاترا کے دوران پیش آیا جہاں ہزاروں افراد موجود تھے۔ عینی شاہدین کے مطابق گرمی اور مسلسل کھڑے رہنے کی وجہ سے کمانڈو کی حالت بگڑی اور وہ بے ہوش ہوکر زمین پر گر پڑا۔
چند سیکورٹی اہلکار فوراً حرکت میں آئے اور اسے اٹھا کر طبی امداد کے لیے لے گئے، لیکن اس دوران نہ جے پی نڈا رکے، نہ ہی اسٹیج پر موجود رہنماؤں میں سے کسی نے ہمدردی کا اظہار کیا۔
غائب انسانی ہمدردی کے اس منظر کو دیکھ کر حاضرین میں حیرت اور افسوس کی لہر دوڑ گئی۔ ایک طرف سخت گرمی اور جسمانی تکلیف کے باعث گر پڑنے والا کمانڈو زمین پر بے حس و حرکت تھا، تو دوسری طرف اسٹیج پر موجود لیڈران نے معمول کی سرگرمیوں اور تالیاں بجانے کا سلسلہ جاری رکھا۔
سوشل میڈیا پر اس واقعہ کی ویڈیو گردش کر رہی ہے اور متعدد صارفین اسے طاقت کے نشے میں ڈوبی حساسیت سے محروم قیادت کی مثال قرار دے رہے ہیں۔ عوامی رائے میں سوال کیا جا رہا ہے کہ اگر اپنی حفاظت کرنے والے اہلکاروں کے ساتھ اس قدر بے رحمی دکھائی جائے تو عام شہریوں سے کیا توقع کی جا سکتی ہے؟
