شادی سے چند گھنٹے قبل دل کا دورہ پڑنے سے ہونے والے دلہے کی موت ؛ مہدی کی رسم میں ڈانس کے دوران واقعہ

اتر پردیش کے ہاتھرس کے بھوجپور گاؤں میں  22 سالہ دولہے شیوم کی شادی سے چند گھنٹے قبل ہی اچانک موت ہوگئی۔ یہ واقعہ نہ صرف خاندانوں کے لیے بلکہ پورے گاؤں کے لیے صدمے کا باعث بن گیا۔

 

 

شیوم، جو ایک اسکول میں کمپیوٹر کورس پڑھاتا تھا، کی شادی آگرہ کی رہنے والی موہنی سے طے ہوئی تھی۔ شادی کی تیاریاں عروج پر تھیں، مہمان پہنچ چکے تھے، اور پیر کے دن شادی کی تقریب ہونا تھی۔ تاہم، اتوار کے دن، خوشیوں سے بھرے ماحول میں، جب شیوم اپنے گھر والوں کے ساتھ رقص کرنے کے بعد ہلدی کی تقریب میں شریک تھا، وہ اچانک بے ہوش ہو کر زمین پر گر گیا۔

 

 

گھر والوں نے فوراً شیوم کو قریبی اسپتال لے گئے، لیکن ڈاکٹروں نے تصدیق کی کہ وہ پہلے ہی انتقال کر چکا تھا۔ اس کے بعد، اسے ایک خانگی اسپتال لے جایا گیا، جہاں دوبارہ موت کی تصدیق ہوئی۔ ڈاکٹروں کے مطابق، شیوم کی موت دل کا دورہ پڑنے کی وجہ سے ہوئی۔

 

 

شیوم کے والد کا پہلے ہی انتقال ہو چکا تھا، اور اب خاندان میں اس کی ماں اور دو چھوٹے بھائی رہ گئے ہیں۔ اس المناک حادثے نے دونوں خاندانوں کو گہرے غم میں مبتلا کر دیا، اور شادی کا خوشیوں بھرا ماحول اچانک ماتم میں بدل گیا۔ گاؤں والے اور رشتہ دار اس اچانک موت پر حیرت اور دکھ کا اظہار کر رہے ہیں۔