ماڈلنگ سے فوج تک کا سفر

دہلی۔ کشش کا کہنا ہے کہ فوج اور ماڈلنگ میرے خواب تھے جن کے لیے میں نے بہت جدوجہد کی یہ کہانی ہے مہاراشٹرا کی رہنے والی کشش میتھوانی کی۔

 

 

چمک دمک سے بھرپور فیشن اسٹیج پر جگمگانے والی کشش نے حال ہی میں انتہائی سخت فوجی تربیت مکمل کر کے لیفٹننٹ کے طور پر ہندوستانی فوج میں شمولیت اختیار کی ہے۔

 

پونے سے تعلق رکھنے والی 24 سالہ کشش میتھوانی نے ایک فوجی اسکول میں تعلیم حاصل کی۔ کالج کے دوران وہ این سی سی‌(نیشنل کیڈٹ کور) میں شامل ہوئیں اور دہلی میں ہونے والی یومِ جمہوریہ پریڈ** میں حصہ لیا

 

 

جہاں انہیں بہترین کیڈٹ کا اعزاز وزیرِاعظم نریندر مودی کے ہاتھوں دیا گیا۔اسی دوران فیشن ورلڈ نے بھی انہیں اپنی جانب متوجہ کیا۔ انہوں نے مس انڈیا مقابلوں میں حصہ لیا اور 2023 میں "مس انٹرنیشنل انڈیا” کا ٹائٹل جیتا۔ بعد ازاں 2024 میں سی ڈی ایس (Combined Defence Services) امتحان میں شرکت کی اور پورے ملک میں دوسرا رینک حاصل کیا۔

 

 

اس کے بعد انہوں نے چنئی میں فوجی تربیت مکمل کی اور حال ہی میں لیفٹننٹ کے طور پر فوج میں شامل ہو گئی ہیں۔