سعودی عرب میں ہندوستانی شہریوں کے بس حادثے پر مرکزی وزیر جے شنکر کی گہری تشویش، جاں بحق افراد کے افراد خاندان کے لئے تعزیت

نئی دہلی: مرکزی وزیر خارجہ  جے شنکر نے سعودی عرب کے مقدس شہر مدینہ منورہ کے قریب میں بھارتی شہریوں کے بس کے  خوفناک حادثے پر گہرے صدمے کا اظہار کیا ہے۔

جے شنکر نے کہا ہے کہ "مدینہ منورہ میں پیش آنے والے اس افسوسناک حادثے سے مجھے شدید صدمہ پہنچا ہے۔ ریاض میں ہمارا سفارتخانہ اور جدہ میں قونصل خانہ متاثرہ بھارتی شہریوں اور ان کے اہل خانہ کو ہر ممکن تعاون فراہم کر رہا ہے۔ ہم جاں بحق ہونے والوں کے افراد خاندان کے ساتھ دلی ہمدردی کا اظہار کرتے ہیں اور زخمیوں کی جلد صحت یابی کے لیے دعا کرتے ہیں۔”

وزیر خارجہ نے مزید کہا کہ بھارتی سفارتخانہ اور قونصل خانے حادثے سے متاثرہ شہریوں کی مدد کے لیے ہر ممکن اقدامات کر رہے ہیں اور مقامی انتظامیہ کے ساتھ مل کر متاثرین کی فوری دیکھ بھال اور سہولیات فراہم کی جا رہی ہیں۔