اترپردیش میں گائے اسمگلنگ کرنے والی گینگ پر پولیس کی فائرنگ – دو زخمی، چار گرفتار
اترپردیش میں گائے اسمگلنگ گینگ پر پولیس کا دھاوا — فائرنگ کے تبادلے میں دو زخمی، چار گرفتار
اترپردیش کے ضلع مین پوری میں پولیس نے غیرقانونی طور پر گایوں کی اسمگلنگ کرنے والے گینگ کے خلاف بڑی کارروائی انجام دی۔ پولیس کی گشتی ٹیم کو فزلپور کے جنگلات میں مویشیوں کی غیرقانونی ٹرانسپورٹ کی اطلاع ملی تھی۔ موقع پر پہنچتے ہی ملزمین نے پولیس پر فائرنگ کردی، جس کے جواب میں پولیس نے جوابی فائرنگ کی۔
فائرنگ کے دوران بابو اور شنکر نامی دو افراد زخمی ہوگئے جبکہ اجے اور موکیش کو پولیس نے حراست میں لے لیا۔ پولیس نے ان کے قبضے سے ایک پستول اور کارتوس برآمد کیے۔
تحقیقات میں معلوم ہوا کہ گرفتار افراد راجستھان کے کوٹا اور بُندی علاقوں سے تعلق رکھتے ہیں اور ان کے خلاف ماضی میں بھی غیرقانونی مویشی اسمگلنگ کے مقدمات درج ہیں۔
ایس پی راہول متھاس کے مطابق، کارروائی کے دوران بڑی تعداد میں مویشیوں کو محفوظ طریقہ سے بچا لیا گیا۔ پولیس نے باقی مفرور ملزمین کی تلاش تیز کردی ہے اور ریسکیو کئے گئے مویشیوں کی حفاظت کے لئے خصوصی انتظامات کئے گئے ہیں۔
