اور جب ایرانڈیا نے کرکٹر محمد سراج سے معافی مانگی ۔۔۔۔۔ جانئیے کیا تھی وجہ

گوہاٹی۔حیدرآباد فلائٹ منسوخ — محمد سراج برہم، ایئر انڈیا کی وضاحت

 

گوہاٹی سے حیدرآباد آنے والی ایئر انڈیا کی پرواز IX 2884 کو ناگزیر وجوہات کی بناء پر منسوخ کر دیا گیا جس کا اعلان کمپنی نے باضابطہ طور پر کیا۔ پرواز کی تاخیر اور منسوخی کا معاملہ سامنے آنے پر ٹیم انڈیا کے کرکٹر محمد سراج کی شکایت کے بعد ایئر انڈیا نے وضاحت پیش کرتے ہوئے معذرت خواہی کی۔

 

ایئر انڈیا نے اپنے بیان میں کہا کہ ناگزیر حالات کے باعث پرواز منسوخ ہونے پر ہمیں افسوس ہے۔ ہمارے عملے نے مسافروں کے لئے ضروری انتظامات کئے ہیں۔ ہمیں معلوم ہے کہ یہ صورتحال مسافروں کے لئے کتنی مشکل ہوتی ہے۔ آپ کے صبر اور تعاون کے ہم شکر گزار ہیں۔ حالات نارمل ہونے تک ہماری ٹیم پوری مدد فراہم کرتی رہے گی۔

 

اس سے پہلے محمد سراج نے اپنی سوشل میڈیا پوسٹ میں شدید ناراضگی کا اظہار کرتے ہوئے لکھا کہ "گوہاٹی سے حیدرآباد آنے والی پرواز IX 2884 شام 7:25 بجے روانہ ہونی تھی، لیکن تاخیر کی کوئی وجہ نہیں بتائی گئی۔ بغیر کسی مناسب جواز کے پرواز کو مسلسل مؤخر کیا جا رہا ہے

 

جس سے مسافروں کو سخت پریشانی ہو رہی ہے۔ چار گھنٹے گزرنے کے باوجود کوئی اپڈیٹ نہیں ملا۔ یہ میرا بدترین ایئر لائن تجربہ ہے۔ میں کسی کو بھی اس فلائٹ میں سفر کرنے کا مشورہ نہیں دوں گا۔