بزمِ احبابِ قطر کے زیرِ اہتمام دوحہ میں پہلے عالمی مشاعرہ کا کامیاب انعقاد
بزمِ احبابِ قطر کے زیرِ اہتمام دوحہ میں پہلے عالمی مشاعرہ کا کامیاب انعقاد
جوہر کانپوری، شبینہ ادیب، ڈاکٹرماجد دیوبندی کے علاوہ معروف شعراء کی شرکت
(پریس نوٹ)بزمِ احباب قطر کے زیرِ اہتمام ”پہلا عالمی مشاعرہ“ ریکساس گلف ہوٹل، دوحہ قطر میں منعقد کیا گیا۔ QPL اور تنظیم تلاش نے اس مشاعرہ کیلئے اپنا تعاون پیش کیا۔ مشاعرہ کی صدارت حیدرآباد کی معروف شخصیت پروفیسر محمد مسعود احمد نے کی۔ صحافی ڈاکٹر محمد آصف علی نے ابتدائی کلمات پیش کئے اور شعراء کا تعارف کروایا۔
بانی ڈائرکٹر QPL سراج انصاری نے مہمانان اور مقامی شعرا کے علاوہ شرکاء کا خیر مقدم کیا اور کہا کہ ”بزمِ احباب قطر“کی جانب سے یہ پہلے مشاعرہ کاانعقادعمل میں آیا ہے اور آگے بھی یہ سلسلہ جاری رہے گا۔ اُنہوں نے اس سلسلے میں بھرپور تعاون کے لئے تمام QPL اراکین کا شکریہ اداکیا۔ کوکنوینر راج بیر راز نے بھی شعراء اور مہمانوں کا اپنی تنظیم کی جانب سے استقبال کیا۔
سرزمینِ قطر پر اپنا کلام پیش کرنے اور داد وصول کرنے والے مقامی اور بیرونی شعراء میں ڈاکٹر حمید بھٹی شہید، اشفاق دیشمُکھ، ندیم ماہر، پون آگری، عزیز نبیل،جوہر کانپوری، شبینہ ادیب، عادل رشید، راج بِیر راز، ڈاکٹرماجد دیوبندی، ممتاز نسیم، شکیل اعظمی اور صدرِ مشاعرہ پروفیسر محمد مسعود احمد شامل ہیں۔ جنہوں نے اپنا کلام پیش کرتے ہوئے زبردست داد و تحسین وصول کی۔ ڈاکٹر ماجد دیوبندی نے اپنے مخصوص انداز میں مشاعرہ کی نظامت کی اور اِسے چارچاند لگادئیے
۔ اِنتظامیہ کی جانب سے شعراء کو تہنیت پیش کی گئی، جبکہ تمام مہمانان اور منتظمین کو شعراء کے ہاتھوں مومنٹوز سے نوازا گیا۔ عابد خان کے شکریہ پر رات دیر گئے مشاعرہ کا اختتام عمل میں آیا۔ اس مشاعرہ کے اسپانسرس میں اِنسات گروپ (محمد سمیع الدین، محمد فصیح الدین)، ٹیم ایجوکیشن (محمد جہانگیر)، جلسہ گروپ (محمد قاسمی)، MHA ٹریڈنگ (امجد خان)، ٹائیگر الکٹرانکس (سید گُلریز)، دکن دیوان رسٹورنٹ (محمد ماجد)، اور باورچی رسٹورنٹ (میر سُہیل) شامل ہیں، جو مشاعرے میں بھی موجود تھے
۔خلیجی ممالک کے علاوہ حیدرآباد سے بھی کئی ممتاز شخصیتوں بشمول سید منہاج الدین (چیئرمین تلنگانہ ویلفیر اسوسی ایشن دمام الخُبر)، ڈاکٹر ایس این مسعود (CEO سکسیس گروپ ریاض سعودی عرب)، صحافی نعیم غوری کے علاوہ دیگر نے شرکت کی۔
