سعودی عرب – “غار حرا” جانے والے زائرین کیلئے انتظامات

ریاض ۔ کے این واصف 

حجاج اور عمرہ رائرین کے لیے مقدس شہروں میں تاریخی اہمیت کے حامل مقامات کی دیکھنے کے حکومت کی جانب سے مسلسل سہولتین بہم پہنچانے کے انتظامات کئے جارہے ہیں۔ انتظامیہ کے ایک تازہ اعلان کے مطابق مکہ مکرمہ میں حرا کلچرل ڈسٹرکٹ کی جانب سے دنیا بھر سے آنے والے زائرین کو “غارحرا” کے حوالے سے رہنمائی فراہم کی جا رہی ہے۔

 

سعودی خبر رساں ایجنسی “ایس پی اے” کے مطابق غار حرا جو جبل النور کی چوٹی پر واقع ہے، وہاں جانے کے لیے انتظامیہ نے سیڑھیاں اور ڈھلواں راستے بنائے گئے ہیں جن کے ذریعے زائرین باسانی غارحرا تک رسائی حاصل کر سکتے ہیں۔حرا کلچرل ڈسٹرکٹ کی جانب سے زائرین کو مکمل خدمات فراہم کی جارہی ہیں۔ پہاڑی کے دامن میں بنے کلچرل ڈسٹرکٹ کی انتظامیہ زائرین کا استقبال کرتی ہے۔

 

بعدازاں ایک پوائنٹ پر جمع کرکے انہیں غار حرا کے بارے میں مکمل تفصیلات سے آگاہ کیا جاتا ہے۔ زائرین کے اس سفر کو آرام دہ بنانے کےلیے مختلف انتظامات کیے جاتے ہیں تاکہ ان کا یہ تاریخی سفر مشاہدات ہی نہیں اہم تاریخی و علاقائی معلومات سے بھرپور ہو۔ یواضح رہے کہ غارحرا جو سطح سمندر سے تقریبا 3600 فٹ بلندی پر واقع ہے، وہاں جانے کے لیے اب راستے کو بہتر بنا دیا گیا ہے۔

 

حرا پہاڑ کی چوٹی سے زائرین مکہ مکرمہ کے خوبصورت نظاروں سے لطف اندوز ہوتے ہیں اور اس مبارک غار میں بھی جاتے ہیں جہاں وحی کے نزول کا آغاز ہوا تھا۔