بہار اسمبلی انتخابات میں اس مرتبہ سب سے کم 11 مسلم ارکان اسمبلی کامیاب، سب سے زیادہ مجلس کے 5 ارکان منتخب
خصوصی رپورٹ
آزادی کے بعد سے اب تک 18 مرتبہ ہوئے بہار اسمبلی انتخابات میں اس بار سب سے کم یعنی صرف 11 مسلم ایم ایل اے کامیاب ہوئے ہیں۔ ان میں سب سے زیادہ 5 ایم ایل اے کل ہند مجلس اتحاد المسلیمن سے جیتے۔ جے ڈی یو نے 4 مسلم امیدواروں کو ٹکٹ دیا مگر صرف وزیر محمد زماں خان چینپور سے کامیاب ہوئے۔ جبکہ آر جے ڈی نے 18 مسلم امیدوار کھڑے کئے لیکن صرف 3 جیت پائے .سال 2020 کے انتخابات میں 19 مسلم ارکان اسمبلی منتخب ہوئے تھے جو گھت کر 11 ہوگئے ہیں
اسی طرح کانگریس کے 10 امیدواروں میں سے صرف 2 کامیاب ہوئے۔ان محمد قمر الہدی اور عابد الرحمن شامل ہیں کانگریس کا مظاہرہ اتنا خراب رہا کہ پارٹی کے سینر قائد شکیل احمد بھی کدوا سیٹ نہیں بچا پائے۔
سی پی آئی ( ایم ایل) پارٹی نے 2 مسلم امیدوار کھڑے کئے، دونوں ہار گئے اور پارٹی کے سینر قائد محبوب عالم بھی بلرام پور سے شکست کھا گئے۔ قابل ذکر ہے کہ 2020 میں محبوب عالم کو بہار میں سب سے بڑی فتح حاصل ہوئی تھی، جب انہوں نے کے بی کے جھا کو 53,597 ووٹ سے ہرایا تھا۔
تاریخی طور پر 2005 میں سب سے کم 16 مسلم ایم ایل اے کامیاب ہوئے جبکہ 1985 میں سب سے زیادہ 34 ایم ایل اے تھے۔ 2020 میں بھی مجلس کے 5 ایم ایل اے جیتے مگر ان میں سے چار آر جے ڈی میں شامل ہو گئے۔ بہار میں مسلم آبادی 17.6 فیصد ہے۔
1952 سے 2025 تک بہار میں مسلم ایم ایل اے کی تعداد کبھی 10 فیصد سے زیادہ نہیں رہی۔ ان 73 سالوں میں 18 اسمبلی انتخابات ہوئے اور 5214 ایم ایل اے منتخب ہوئے، جن میں 401 مسلم ایم ایل اے شامل ہیں۔
جوکیہٹ اسمبلی سیٹ پر مجلس کے محمد مرشد عالم جیتے، انہوں نے سابق وزیر منظر عالم کو شکست دی، جو جے ڈی ہو کے ٹکٹ پر انتخابات لڑ رہے تھے۔ اسی سیٹ پر آر جے ڈی کے شاہنواز عالم اور جن سراج سے شاہنواز کے بھائی سرفراز عالم بھی انتخابی میدان میں تھے لیکن دونوں ہار گئے۔
بتایا جاتا ہے کہ بہار کی تاریخ میں اب تک صرف عبدالغفور مسلم چیف منسٹر بنے، مگر انہیں بھی مکمل پانچ سال نہیں گزارنے دیے گئے۔ ایک بھی مسلم ڈپٹی چیف منسٹر نہیں بنے۔ بہار میں مسلم قایدین کو عموماً ایک دو وزارتیں دی جاتی ہیں،
خاص طور پر اقلیتی فلاح و بہبود کے شعبے میں۔ 2025 تک ڈاکٹر شکیل احمد، شکیل احمد خان، ڈاکٹر عیسیٰ احمد، شمایل نبی، تسلیم الدین اور مناظر حسن کو اہم محکمے دیے گئے تھے جبکہ 2015 میں عبدالباری صدیقی کو وزیر فینانس بنایا گیا۔ اس وقت صرف محمد زماں خان اقلیتی فلاح و بہبود کے وزیر ہیں۔
بہار اسمبلی 2025: مسلم ایم ایل اے کی مکمل فہرست
جے ڈی یو
1. محمد زماں خان (چینپور)
آر جے ڈی
2. فیض الرحمن (ڈھا کا)
3. اصف احمد (بسفی)
4. اسامہ شہاب الدین (رگھناتھ پور)
کانگریس
5. عابد الرحمن (اراریا)
6. محمد قمر الہدی (کشن گنج)
کل ہند مجلس اتحاد المسلیمن
7. محمد مرشد عالم (جوکیہٹ)
8. محمد توصیف عالم (بہادر گنج)
9. محمد سرور عالم (کوچا دھامن)
10. اخترالایمان (امور)
11. غلام سرور (بائیسی)
