ایک رکن پارلیمنٹ کو ماہانہ کتنی تنخواہ ملتی ہے !

حئدرآباد _ 7 جون ( اردولیکس ڈیسک) حالیہ دنوں لوک سبھا انتخابات کے نتائج جاری ہوئے ہیں اس کے بعد سے کئی لوگ کو یہ معلوم کرنے بے چین ہیں کہ ہمارے ملک میں ایک رکن پارلیمنٹ کو ماہانہ کتنی تنخواہ ملتی   ہے؟ اور انھیں کیا کیا سہولیات فراہم کی جاتی ہیں

بتایا جاتا ہے کہ  ہر ماہ ایک رکن پارلیمنٹ کو 1,00,000 روپے تنخواہ ملتی ہے۔اور یومیہ الاؤنس  2000  روپے دئے جاتے ہیں ۔ اس کے علاوہ 70 ہزار روپے ماہانہ حلقہ میں گھومنے پھرنے کا الاؤنس دیا جاتا ہے اور دفتری اخراجات کا الاؤنس   60,000 روپے جس میں اسٹیشنری کے لئے 20 ہزار روپے شامل ہوتے ہیں

دہلی میں رہائش گاہ اور حلقہ میں رہائش گاہ  میں انٹرنیٹ کنیکٹیویٹی اور  تین ٹیلی فون پر سالانہ 1,50,000 مفت کالز دئے جاتے ہیں دہلی میں مفت رہائش فراہم کی جائے گی۔ سالانہ 50,000 یونٹ برقی، 4,000 لیٹر پانی سالانہ مفت سربراہ کیا جاتا ہے ایم پی اور ان کی اہلیہ کو سال میں 34 بار مفت ہوائی سفر ملتا ہے اس کے علاوہ فرسٹ کلاس اے سی کوچ میں بھی سفر  کی سہولت فراہم کی جاتی ہے   اس طرح رکن پارلیمنٹ کی ماہانہ تنخواہ 2.30 لاکھ روپے ہوتی ہے