راشن کارڈ کو لازمی ” کے وائی سی ” کرانے کے عمل کو روکنے تلنگانہ حکومت کی مرکز سے اپیل

حیدرآباد _ 26 ستمبر ( اردولیکس) تلنگانہ کے وزیر سیول سپلائیز  گنگولا کملاکر نے مرکزی حکومت سے راشن کارڈ استفادہ کنندگان کے لیے KYC کے عمل کو روکنے کی اپیل کی۔ پیر کو، انہوں نے مرکزی  وزیر پیوش گوئل کو ایک خط لکھا جس میں کہا گیا کہ کے وائی سی کے عمل کی وجہ سے ریاست کے راشن کارڈ استفادہ کنندگان کو کافی پریشانیوں کا سامنا کرنا پڑ  رہا ہے۔

انھوں نے کہا کہ ماضی میں، تلنگانہ کے بہت سے راشن کارڈ استفادہ کنندگان روزی روٹی کے لیے بیرونی ممالک یا دور دراز مقامات منتقل ہوگئے ہیں، اور اب  تلنگانہ کے باہر روزگار کے لئے مقیم افراد کو KYC کرانا نا ممکن ہے۔ انہوں نے کہا کہ ک وائی سی کو آپ ڈیٹ نہ کرنے سے ان سب کے نام نکال دینے  کا خطرہ ہے۔ کے وائی سی کے فیصلے پر نظرثانی کی جائے۔. وزیر نے کہا کہ کسی کو بھی KYC کی وجہ سے ہونے والی پریشانیوں کی فکر نہیں کرنی چاہیے۔ چیف منسٹر چندرشیکھرراو کی قیادت والی تلنگانہ حکومت یقینی طور پر مستحقین کے فوائد کا تحفظ کرے گی۔

مرکزی حکومت کی جانب سے راشن کارڈ میں شامل تمام لوگوں کے لیے کے وائی سی کرانے کے فیصلے پر  بڑے پیمانے پر تنقید ہو رہی ہے۔ ایسے وقت  جب انتخابات قریب آ رہے ہیں، یہ رائے ظاہر کی جا رہی ہے کہ بی جے پی حکومت نے ریاستی حکومت کے خلاف لوگوں میں ناراضگی پیدا کرنے کے لیے یہ فیصلہ لیا ہے۔ KYC کیسے کریں؟ کہاں کرنا ہے؟ یہ کب کرنا چاہیے؟ انگلیوں کے نشانات نہ لگیں تو کیا کریں؟ اور کب تک کے وائی سی مکمل کرنی ہے مرکزی حکومت نے اس سلسلے میں کوئی وضاحت نہیں کی ہے جس سے عوام میں تشویش پائی جاتی ہے