تلنگانہ کے وزیر اور آئی اے ایس آفیسر سے متعلق خبر۔خانگی ٹی وی چینل کے 3 صحافی گرفتار

حیدرآبا: تلنگانہ کی خاتون آئی اے ایس آفیسر اور ریاستی وزیر کے بارے میں نشر کی جانے والی خبروں کے معاملے میں پولیس نے خانگی ٹی وی چینل کے تین صحافیوں کو گرفتار کرلیا۔این ٹی وی کے ان پٹ ایڈیٹر رمیش جو اپنے خاندان کے ساتھ بیرون ملک جا رہے تھے

ان کو حیدرآباد شمس آباد ایئرپورٹ پر پولیس نے گرفتار کر لیا۔ اسی چینل کے دیگر دو رپورٹرس نہاچاری اور سُدھیر کو بھی پولیس نے حراست میں لے لیا۔ واضح رہے کہ خاتون آئی اے ایس آفیسر کی ساکھ کو نقصان پہنچانے والی حالیہ خبروں کی نشریات پر حیدرآباد سی سی ایس نے متعدد نیوز چینلز اور سوشل میڈیا ہینڈلس کے خلاف مقدمہ درج کیا تھا

اور اس مقدمے کی تفتیش کے لیے ریاستی حکومت نے منگل کو حیدرآباد کے سی پی سجنار کی قیادت میں ایس آئی ٹی قائم کی تھی۔ ایس آئی ٹی کے قیام کے صرف چند گھنٹوں میں، این ٹی وی کے مالکان نے منگل کی شام معافی مانگ لی

جس کے بعد سب نے سوچا کہ مسئلہ ختم ہو گیا ہےلیکن گزشتہ نصف شب غیر متوقع رخ سامنے آیا۔