سعودی عرب حادثہ جاں بحق ہونے والے 45 حیدرآبادی، ایک شخص محفوظ۔ مکمل رپورٹ اور ناموں کی فہرست

نئی دہلی: سعودی عرب میں ایک افسوسناک واقعہ پیش آیا۔ مدینہ منورہ کے قریب پیش آئے خوفناک سڑک حادثے میں 45 حیدرآبادی افراد جاں بحق ہوگئے۔ زائرین کو لے جا رہی بس ایک ڈیزل ٹینکر سے ٹکرا گئی جس کے نتیجے میں یہ

 

 

دلخراش حادثہ پیش آیا۔حیدرآباد کے پولیس کمشنر سجنار نے بتایا کہ مکہ مکرمہ میں عمرہ کی ادائیگی مکمل کرنے کے بعد قافلہ مدینہ کی طرف جا رہا تھا کہ یہ حادثہ پیش آیا۔ ان کے مطابق’’54 افراد پر مشتمل یہ گروپ 9 نومبر کو حیدرآباد

 

 

سے جدہ کے لیے روانہ ہوا تھا۔ ان کا ٹور 23 نومبر تک کا تھا۔ ان میں سے چار افراد کل کار سے مدینہ روانہ ہوگئے تھے اور چار لوگ مکہ میں ہی رک گئے۔ باقی 46 افراد بس کے ذریعے مکہ سے مدینہ جا رہے تھے۔ مدینہ سے تقریباً 25 کلومیٹر

 

 

پہلے بس ایک آئل ٹینکر سے ٹکرا گئی۔ حادثے میں 45 افراد جاں بحق ہوگئے جبکہ صرف ایک شخص عبدل شیعب بقید حیات ہے اور وہ اس وقت اسپتال میں زیرِ علاج ہے۔‘جاں بحق ہونے والوں میں ملے پلی، بازار گھاٹ، آصف نگر اور دیگر

 

 

علاقوں کے لوگ شامل ہیں۔حادثہ پیر کی صبح تقریباً 1:30 بجے (ہندوستانی وقت کے مطابق) پیش آیا۔ ٹینکر سے ٹک کے فوراً بعد آگ بھڑک اٹھی جس نے پوری بس کو اپنی لپیٹ میں لے لیا۔ حادثے کے وقت تمام زائرین سو رہے تھے جس کی

 

 

وجہ سے ہلاک شدگان کی تعداد زیادہ رہی۔موقعِ حادثہ پر امدادی کارروائیاں جاری ہیں۔ جدہ میں موجود ہندوستانی سفارت خانہ نے اس حادثے کے پیشِ نظر کنٹرول روم قائم کرنے کا اعلان کیا ہے۔