تلنگانہ گروپ 2 امیدواروں کے لئے ایک اہم اطلاع

تلنگانہ پبلک سروس کمیشن نے گروپ-2 امتحانات سے متعلق امیدواروں کو ایک اہم اطلاع دی  ہے۔ کمیشن نے پہلے ہی امتحانات کی تواریخ کا اعلان کیا تھا اور اب کہا ہے کہ ہال ٹکٹ 9 دسمبر کو جاری کیے جائیں گے۔ امیدوار 9 دسمبر سے امتحان کے دن تک ہال ٹکٹ ڈاؤن لوڈ کر سکتے ہیں۔

 

 

گروپ-2 امتحانات 15 اور 16 دسمبر کو صبح اور دوپہر دو سیشنز میں منعقد ہوں گے۔ ٹی جی پی ایس سی نے کل 783 گروپ-2 ملازمتوں کو پُر کرنے کے لیے نوٹیفکیشن جاری کیا تھا۔

 

امتحان کی تفصیلات

– 15 دسمبر

– صبح 10 بجے سے 12:30 تک: پیپر-1

– دوپہر 3 بجے سے 5:30 تک: پیپر-2

– 16 دسمبر

– صبح 10 بجے سے 12:30 تک: پیپر-3

– دوپہر 3 بجے سے 5:30 تک: پیپر-4

 

 

ابتدائی طور پر یہ امتحانات 7 اور 8 اگست کو ہونے والے تھے۔ لیکن ڈی ایس سی (DSC) اور گروپ-2 امتحانات کے درمیان صرف ایک ہفتے کا فرق ہونے کے باعث امیدواروں کے احتجاج کے پیش نظر حکومت نے گروپ-2 امتحانات کو مؤخر کرنے کا فیصلہ کیا۔

 

 

تاہم، ڈی ایس سی امتحانات کو مقررہ وقت پر ہی منعقد کیا گیا اور کامیاب امیدواروں کو تقرر نامے بھی فراہم کیے گئے۔

 

 

گروپ-2 امتحانات کے لیے 5.51 لاکھ امیدواروں نے درخواست دی ہے۔