تلنگانہ کے چیف منسٹر کا مسلمانوں کے متعلق بیان توہین آمیز اور تفرقہ انگیز: ایس آئی او
تلنگانہ کے چیف منسٹر کا مسلمانوں کے متعلق بیان توہین آمیز اور تفرقہ انگیز: ایس آئی او
ایس آئی او تلنگانہ کا یقین ہے کہ کسی بھی قوم کی اصل قوت اور قدر و قیمت اس کے اپنے اصولوں اور دیانت میں مضمر ہے، نہ کہ کسی سیاسی طاقت میں۔ چیف منسٹر کا بیان "کانگریس ہے تو مسلمان ہے، کانگریس نہیں تو آپ کچھ نہیں” انتہائی مضحکہ خیز ہے۔ اس قسم کا بیان نہ صرف سیاسی طور پر غیر ذمہ دارانہ ہے بلکہ پوری مسلم برادری کی عزتِ نفس اور وقار پر براہِ راست حملہ ہے۔
یہ بیان جاگیردارانہ اور ووٹ بینک ذہنیت کی عکاسی کرتا ہے، اور اس بات کو ظاہر کرتا ہے کہ جب ایک وزیرِ اعلیٰ کسی پوری قوم کی شناخت پر اجارہ داری قائم کرنے کی کوشش کرتا ہے تو جمہوری اور اخلاقی اقدار کس طرح زوال کا شکار ہو جاتی ہیں۔
ایس آئی او مطالبہ کرتی ہے کہ چیف منسٹر فوری طور پر اپنے الفاظ واپس لیں اور اس واضح آئینی بے احترامی پر عوام سے معافی مانگیں۔
ہم الیکشن کمیشن آف انڈیا سے بھی مطالبہ کرتے ہیں کہ ایسے اشتعال انگیز اور غیر جمہوری بیانات کا سختی سے نوٹس لیا جائے، جو آزاد اور منصفانہ انتخابات کی روح کے منافی ہیں۔
