آیندہ دو سال میں ایک لاکھ سرکاری ملازمتیں فراہم کرنے چیف منسٹر ریونت ریڈی کا اعلان

چیف منسٹر ریونت ریڈی نے سوریا پیٹ ضلع کے تنگاترتی اسمبلی حلقہ کے ترومل گری میں نئے راشن کارڈ کی تقسیم عمل میں آئی ۔بعد ازاں منعقدہ جلسہ عام سے خطاب کرتے ہوئے انہوں نے  آئندہ 2 سال میں ایک لاکھ نئی ملازمتوں پر تقررات کا اعلان کیا

 

انہوں نے کہا کہ کانگریس اقتدار میں آنے کے ایک سال کے اندر ہی 50 ہزار سے زائد سرکاری ملازمتوں پر تقررات کئے گئے اور اب وہ اس جلسہ عام سے اس بات کا وعدہ کرتے ہیں کہ آئندہ 2 سال میں ایک لاکھ نئی سرکاری ملازمتوں پر تقررات کریں گے۔ اس کی ذمہ داری وہ خود ہی لیں گے

 

۔ انہوں نے کہا کہ بی آر ایس دور حکومت میں نوجوانوں کو گمراہ کرنے کے لئے سرکاری ملازمتوں کے صرف اعلامیے جاری کئے جاتے تھے، بعد ازاں بی آر ایس کے افراد ہی عدالتوں سے رجوع ہوتے ہوئے سرکاری ملازمتوں پر تقررات کے عمل کو رکواتے تھے۔

 

اس طرح 10 سال تک بی آر ایس حکومت ہی نوجوانوں کا استحصال کیا اور ان کی زندگیوں سے کھیلا۔ انہوں نے عوام کو خبردار کیا کہ اس طرح کی سوچ رکھنے والی بی آر ایس کو آنے والے مجالس مقامی انتخابات میں مناسب سبق سکھائیں.