تلنگانہ میں سردی کی شدت میں اضافہ، آصف آباد کے سرپور میں درجہ حرارت 7.1 ڈگری تک گر گیا

تلنگانہ میں سردی کی شدت میں اضافہ، آصف آباد کے سرپور میں درجہ حرارت 7.1 ڈگری تک گر گیا

ریاست تلنگانہ میں سردی کی لہر دن بہ دن بڑھتی جا رہی ہے۔ رات کے اوقات میں درجہ حرارت میں نمایاں کمی کے باعث عوام شدید سردی سے پریشان ہیں۔ ایجنسی علاقوں کے کئی دیہاتوں میں درجہ حرارت سنگل ڈیجیٹ تک پہنچ گیا ہے۔

جمعرات کی صبح آصف آباد ضلع کے سرپور میں ریاست کا سب سے کم درجہ حرارت 7.1 ڈگری سیلسیس ریکارڈ کیا گیا، جب کہ تریانی میں درجہ حرارت 8.2 ڈگری تک گر گیا۔ سخت سردی کے سبب لوگ گھروں سے باہر نکلنے سے گریز کر رہے ہیں۔

صبح 8 بجنے کے بعد بھی سردی کی شدت میں کمی نہ آنے کے باعث اسکولوں، دفاتر اور روزمرہ کاموں کے لیے جانے والے افراد کو سخت مشکلات کا سامنا کرنا پڑ رہا ہے۔