پینڈنگ چالان کی رقم کیلئےگاڑی سواروں کے ساتھ زبردستی نہ کریں۔ ٹریفک پولیس کو تلنگانہ ہائیکورٹ کی ہدایت
حیدرآباد:زیرِ التواء چالانوں کے معاملے میں ہائی کورٹ نے ٹریفک پولیس کو ہدایت دی ہے کہ وہ گاڑی چلانے والوں کو زبردستی نہ کریں۔
عدالت نے کہا ہے کہ چالان ادا کروانے کے لیے بائیک کی چابیاں چھیننا یا گاڑی کو روک لینا جیسے اقدامات نہ کیے جائیں۔عدالت نے واضح کیا کہ اگر گاڑی روکے جانے کے وقت ڈرائیور یا گاڑی مالک اپنی مرضی سے چالان ادا کرنا چاہے تو پولیس رقم وصول کر سکتی ہے۔ تاہم اگر گاڑی مالک چالان ادا کرنے پر راضی نہ ہو تو قانون کے مطابق عدالت کے نوٹس جاری کیے جائیں۔
ہائی کورٹ میں ایک درخواست دائر کی گئی تھی جس میں الزام لگایا گیا کہ ٹریفک پولیس زبردستی چالان وصول کر رہی ہے۔ اس معاملے میں وکیل وجے گوپال نے دلائل پیش کیے اور کہا کہ زیرِ التواء چالانوں کی وصولی کے لیے ٹریفک پولیس گاڑی مالکان کو ہراساں کر رہی ہے۔
اس پر ہائی کورٹ نے ٹریفک پولیس کو واضح احکامات جاری کیے۔
