عادل آباد کے سابق رکن پارلیمنٹ رمیش راتھوڈ کا انتقال

عادل آباد _ 29 جون ( اردولیکس ) تلنگانہ کے عادل آباد لوک سبھا کے سابق رکن پارلیمنٹ رمیش راٹھوڈ کا انتقال ہوگیا۔ ان کی  ہفتہ کی صبح اوٹنور میں واقع اپنی رہائش گاہ پر اچانک طبیعت ہو گئی ۔ گھر والے انھیں عادل آباد کے پرائیویٹ اسپتال لے گئے۔ وہاں ان کا علاج کیا جا رہا تھا اور ان کی حالت خراب ہونے پر ڈاکٹروں نے انہیں بہتر علاج کے لیے حیدرآباد منتقل کرنے کا مشورہ دیا۔ حیدرآباد لے جاتے ہوئے راستے میں ہی ان کا انتقال ہو گیا۔

رمیش راٹھور، جن کا تعلق ایس ٹی طبقہ سے ہے، نچلی سطح سے اٹھ کر سیاست دان بنے۔ ان کی طویل سیاسی وابستگی ہے۔ وہ 1999 میں خانہ پور ایم ایل اے کے طور پر قانون ساز اسمبلی کے لیے منتخب ہوئے تھے۔ 2006-2009 کے درمیان، انہوں نے عادل آباد ضلع پریشد کے چیئرمین کے طور پر خدمات انجام دیں۔ 2009 میں وہ عادل آباد پارلیمانی سیٹ سے لوک سبھا کے لیے منتخب ہوئے۔ اس کے ساتھ ہی ان کی بیوی سمن راٹھور خانہ پور ایم ایل اے کے طور پر جیت گئیں۔

اس کے بعد کے الیکشن میں وہ پھر سے خانہ پور ایم ایل اے کے طور پر جیت گئے۔ 2018 کے اسمبلی انتخابات میں انہوں نے کانگریس پارٹی سے الیکشن لڑا اور ہار گئے۔ جون 2021 میں ای راجندر کے ساتھ بی جے پی میں شمولیت اختیار کی۔