حیدرآباد میں شدید بارش،موسم اچانک بدل گیا

حیدرآباد: شہر میں دوپہر تک شدید گرمی اور دھوپ کی تپش رہی لیکن شام ہوتے ہی اچانک زور دار بارش شروع ہوگئی۔ کئی علاقوں میں سڑکوں پر پانی جمع ہوگیا جس کے باعث گاڑی چلانے والوں کو شدید

 

 

مشکلات کا سامنا کرنا پڑا۔کوٹھی، سلطان بازار، عابڈس، نامپلی، بشیر باغ، لکڑی کا پل، لبرٹی، حمایت نگر، نارائن گوڑہ، نیکلس روڈ، ٹینک بند، خیریت آباد، راجندر نگر، قسمت پور، عطا پور، شیو رام پلی، گنڈی پیٹ جیسے علاقوں میں شدید بارش ریکارڈ کی گئی

 

 

جبکہ رائے درگم، گچی باؤلی، پنجہ گٹہ، امیر پیٹ، چارمینار، بہادر پورہ، یاقوت پورہ، چندرائن گٹہ، بارکس، فلک نما جیسے علاقوں میں ہلکی اور تیز

 

 

بارش کی اطلاعات ہیں۔ پرانے شہر کے بعض علاقوں میں دوپہر کے وقت بھی بارش ہوئی۔