تلنگانہ میں 16 اگست تک شدید بارش کا امکان۔بعض اضلاع کیلئے ایلو اور ارینج الرٹ جاری
حیدرآباد ۔ خلیج بنگال میں ہوا کے کم دباؤ کے اثر سے 16 اگست تک ریاست میں زبردست بارش کا امکان ہے۔ محکمہ موسمیات حیدرآباد کے سربراہ ڈاکٹر کے ناگارتنا کے مطابق چہار شنبہ سے جمعہ کے درمیان حیدرآباد میں شدید بارش ہونے کا امکان ہے۔
11 تا 13 اگست کے لیے حیدرآباد سمیت ملگ، نرمل، بھدرادری کوتہ گوڑم، کھمم، وقارآباد، سنگاریڈی، میدک، آصف آباد، سدی پیٹ، یادادری بھونگیر، رنگا ریڈی اور میڑچل ملکاجگری اضلاع کیلئے ایلو الرٹ جاری کیا گیا ہے۔ یہ بارش 64.5 ملی میٹر سے 115.5 ملی میٹر تک ہو سکتی ہے۔14 تا 17 اگست آرینج الرٹ کا اعلان کیا گیا ہےجس کا مطلب ہے کہ شدید سے بہت شدید ترین بارش
115.6 ملی میٹر سے 204.5 ملی میٹر ہو سکتی ہے۔ اس دوران حیدرآباد کے علاوہ عادل آباد، منچریال، جگتیال، کریم نگر، پداپلی، ملگ، نرمل، نظام آباد، نلگنڈہ، محبوب آباد، یادادری بھونگیر، رنگا ریڈی، میڑچل ملکاجگری، وقارآباد، سنگاریڈی اور میدک اضلاع بھی متاثر ہوں گے۔
