حیدرآباد میں زمین کی بولی آسمان پر – فی ایکر 151 کروڑ روپے میں فروخت

حیدرآباد کے کوکا پیٹ نیو پولیس کی زمینوں کی نیلامی میں نئے ریکارڈ قائم ہونے جا رہے ہیں۔ جمعہ کے روز ایچ ایم ڈی اے نے مزید دو پلاٹوں کی نیلامی منعقد کی، جن میں پلاٹ نمبر 15 اور 16 شامل ہیں۔

پلاٹ نمبر 15 کی نیلامی مکمل ہوچکی ہے اور فی ایکڑ 151.25 کروڑ روپے کی حیران کن قیمت ملی ہے۔ فی الحال پلاٹ نمبر 16 کی نیلامی جاری ہے اور اس کے بھی ریکارڈ قیمت حاصل کرنے کے قوی امکانات ظاہر کیے جا رہے ہیں۔

گزشتہ ہفتے منعقدہ نیلامی میں پلاٹ نمبر 17 اور 18 فی ایکڑ 137.25 کروڑ روپے میں فروخت ہوئے تھے اور حکام کے مطابق اس ہفتے کے پلاٹس کی قیمتیں اس سے زیادہ رہنے کا امکان ہے۔ اس کے ساتھ ہی کچھ عرصہ قبل رائدورگ میں ٹی جی آئی آئی سی کی زمینیں بھی فی ایکڑ 177 کروڑ روپے میں فروخت ہوئی تھیں، جبکہ نیلامی کے لیے مقررہ ابتدائی قیمت فی ایکڑ 99 کروڑ روپے تھی۔