تلنگانہ انٹرمیڈیٹ امتحانات کا شیڈول جاری – اس سال ایک ہفتہ قبل امتحانات کا آغاز

تلنگانہ انٹر  انٹرمیڈیٹ امتحانات کا شیڈول جاری، 25 فروری سے 18 مارچ تک

 

تلنگانہ اسٹیٹ انٹر بورڈ نے 2026 کے انٹرمیڈیٹ امتحانات کے شیڈول کا اعلان کر دیا ہے۔ انٹر فرسٹ ایئر اور سیکنڈ ایئر کے امتحانات 25 فروری سے 18 مارچ تک منعقد کئے جائیں گے۔ طلبہ یکم  نومبر سے امتحانی فیس جمع کرا سکتے ہیں،  انٹر بورڈ کے سکریٹری کرشنا آدتیہ نے یہ بات بتائی

 

چیف منسٹر ریونت ریڈی جو تعلیم کے وزیر بھی ہیں نے شیڈول کی منظوری دی ہے۔ گزشتہ سال امتحانات 5 مارچ سے شروع ہوئے تھے، لیکن اس سال بورڈ نے امتحانات 8 دن پہلے شروع کرنے کا فیصلہ کیا ہے۔ تقریباً 9.50 لاکھ طلبہ اس سال انٹر امتحانات میں شریک ہوں گے۔

 

چیف منسٹر ریونت ریڈی کے مطابق، امتحانات کو پہلے شروع کرنے سے طلبہ کو JEE Mains، JEE Advanced، NEET اور EAPCET جیسے داخلہ امتحانات کی تیاری کے لیے مزید وقت میسر آئے گا۔ اس سال 12 سال بعد انٹرمیڈیٹ سلیبس میں بھی تبدیلی کی گئی ہے۔