جگتیال بلدیہ کے چیرپرسن کے عہدہ کے لئے وانی کے نام کو قطعیت !

جگتیال کانگریس پارٹی کے اندر گروہی اختلافات شدت اختیار کرنے کے آثار ظاہر ہو رہے ہیں۔ میونسپل چیئرپرسن کے انتخاب کا معاملہ سیاسی ہلچل کا سبب بن گیا ہے۔ سینئر  قائد اور سابق ایم ایل سی جیون ریڈی کی تجاویز کو نظرانداز کرتے ہوئے پارٹی قیادت کی جانب سے ایم ایل اے ڈاکٹر سنجے کمار کے گروپ کو ترجیح دیے جانے سے سیاسی حلقوں میں نئی بحث چھڑ گئی ہے۔

تازہ اطلاعات کے مطابق جگتیال میونسپل چیئرپرسن کے امیدوار کے طور پر وانی کے نام کو تقریباً حتمی شکل دے دی گئی ہے۔ وانی، رکن اسمبلی ڈاکٹر سنجے کمار کی قریبی حامی سمجھی جاتی ہیں، جس کے باعث یہ پیش رفت جیون ریڈی کے گروپ کے لیے بڑا جھٹکا قرار دی جا رہی ہے۔

میونسپل چیئر کی باگ ڈور اپنے پاس رکھنے کی کوشش کرنے والے جیون ریڈی اس صورتحال سے خاصے ناخوش بتائے جاتے ہیں، جبکہ طویل عرصے سے پارٹی سے وابستہ سینئر کانگریسی کارکنوں کو نظرانداز کیے جانے پر پرانے کارکنوں میں بھی ناراضگی پائی جا رہی ہے۔