جمعیۃ علماء تلنگانہ و آندھرا کے صدر و سابق ایم ایل سی مولانا حافظ پیر شبیر احمد کا انتقال

جمعیۃ علماء تلنگانہ و آندھرا پردیش کے صدر مولانا حافظ پیر شبیر احمد کا اتوار کی فجر انتقال ہوگیا۔ وہ ایک ممتاز عالمِ دین، دینی و ملی خدمات کے لیے معروف اور ریاست میں جمعیۃ کے سرگرم قائد تھے۔

 

حافظ پیر شبیر احمد متحدہ ریاست آندھرا پردیش کی قانون ساز کونسل کے رکن بھی رہ چکے ہیں، اور آندھراپردیش حج کمیٹی کے چیئرمین بھی تھے جہاں انہوں نے مسلمانوں کے تعلیمی و سماجی مسائل کے حل کے لیے مؤثر آواز اٹھائی۔

 

ان کے انتقال کی خبر سے دینی، سماجی اور سیاسی حلقوں میں غم و رنج کی لہر دوڑ گئی۔ مختلف مذہبی و سیاسی قایدین نے حافظ پیر شبیر احمد کے انتقال پر تعزیت کا اظہار کرتے ہوئے کہا کہ اُن کی علمی و ملی خدمات ہمیشہ یاد رکھی جائیں گی۔

 

ان کے دوسرے فرزندان ہیر ارشاد احمد ناصر  یوتھ کانگریس کے سینر قائد ہیں اور وہ کل ہند کانگریس کے ایس سی ؛ ایس ٹی ؛ بی سی اور اقلیتی ڈپارٹمنٹ کے قومی کنونیر ہیں جبکہ ایک اور فرزند پیر منیر جابر کا شمار بھی حیدرآباد یوتھ کانگریس کے اہم قایدین میں ہوتا ہے

 

ان کے فرزند حافظ پیر خلیق احمد صابر جنرل سیکریٹری جمعیۃ علماء تلنگانہ و آندھرا پردیش کے مطابق،نماز جنازہ ان شاء اللہ  19 اکتوبر بروز اتوار بعد نماز عصر جامع مسجد کنز العلوم ( مرکز شاہین نگر ) میں ادا کی جائے گی۔نماز عصر ٹھیک 04:45 بجے ادا کی جائے گی

اور تدفین مسجد قبا رسالہ خورشید جاہی مشیرآباد میں عمل میں آئے گی