کریم نگر میونسپل کارپوریشن کے میئر کے انتخاب میں ایک اور نیا موڑ

کریم نگر میئر انتخاب کے معاملے میں بی آر ایس نے اہم فیصلہ لیتے ہوئے انتخابی عمل سے دور رہنے کا اعلان کر دیا ہے۔ کارپوریشن میں کسی بھی جماعت کو واضح اکثریت حاصل نہ ہونے کے باعث ہنگ صورتحال پیدا ہو گئی ہے۔

دوسری جانب بھارتیہ جنتا پارٹی پہلے ہی میئر کی کرسی حاصل کرنے کا دعویٰ کر چکی تھی، تاہم کانگریس پارٹی نے بی جے پی کیمپ سے منتخب نمائندوں کو اپنی جانب مائل کر کے سیاسی منظرنامے میں نیا موڑ پیدا کر دیا ہے۔

ان بدلتے حالات کے پیشِ نظر بی آر ایس نے نہ کسی جماعت کی حمایت کرنے اور نہ ہی میئر انتخاب میں حصہ لینے کا فیصلہ کیا ہے، جس سے کریم نگر کی میئر سیاست مزید غیر یقینی صورت اختیار کر گئی ہے۔