کاماریڈی میں ریل روکو احتجاج کے دوران کویتا گرفتار

پسماندہ طبقات کے ساتھ ناانصافی ناقابل برداشت:کےکویتا

کاماریڈی میں ریل روکو احتجاج کے ذریعہ تلنگانہ ہی نہیں بلکہ دہلی تک واضح پیغام پہنچایا گیا

 

صدر تلنگانہ جاگروتی کلواکنٹلہ کویتا کو کاماریڈی میں ریل روکو احتجاج کے دوران پولیس کی جانب سے آج حراست میں لیا گیا۔ اس موقع پر میڈیا سے بات کرتے ہوئے کویتا نےواضح کیا کہ آج کا ریل روکو احتجاج صرف تلنگانہ ہی نہیں بلکہ دہلی تک ایک مضبوط پیغام پہنچانے کے لئے کیا گیا ہے۔

 

انہوں نے کہا کہ بی جے پی کو اپنی ہٹ دھرمی ترک کرنی ہوگی۔ بی جے پی کے اراکین پارلیمنٹ کو فوری طور پر استعفے دینا چاہئے اور بی سی برادری کے بچوں کو ان کا حق دلانے کے لئے مرکز پر دباؤ ڈالناہوگا۔ کویتا نے الزام عائد کیا کہ بی جے پی جان بوجھ کر بی سی برادری کے مفادات کے خلاف رکاوٹیں کھڑی کررہی ہے

 

۔ انہوں نے کہا کہ بی سی طلبہ اور نوجوانوں کو جو ریزرویشن دیئےجانے چاہئیں، وہ اب تک نہیں دیئے گئے۔ انہوں نےریاستی اسمبلی سے منظور شدہ بل جو صدر جمہوریہ اور گورنر کے پاس زیر التوا ہے، اس کے درمیان بی جے پی غیر ضروری رکاوٹیں ڈال رہی ہے، جو سراسر ناانصافی ہے

 

۔انہوں نے بی جے پی سے مطالبہ کیا کہ وہ بی سی برادری کے ساتھ تعصب نہ برتے اور فوری طور پر بی سی طبقے کے لئے 42 فیصد ریزرویشن فراہم کرنے کے مطالبہ کو تسلیم کرے۔ کویتا نے پر زور انداز میں کہا کہ تلنگانہ کی بی سی برادری اپنے حقوق کے حصول کے لئے پرعزم ہے اور ان کے ساتھ زیادتی کسی صورت برداشت نہیں کی جائے گی۔