سعودی عرب میں تلنگانہ کے عمرہ زائرئن کے حادثہ میں انتقال پر کے سی آر کا اظہار افسوس
سعودی عرب میں تلنگانہ کے عمرہ زائرئن کے انتقال پر کے سی آر کا اظہار افسوس
سعودی عرب میں پیش آنے والے خوفناک بس حادثے میں متعدد تلنگانہ کے باشندگان کے جاں بحق ہونے پر تلنگانہ کے سابق چیف منسٹر اور بی آر ایس کے سربراہ کے. چندرشیکھر راؤ نے گہرا صدمہ اور افسوس کا اظہار کیا ہے۔
عمرہ کی ادائیگی کے لئے مکہ سے مدینہ جا رہی بس حادثہ کے نتیجے میں 42 افراد جاں بحق ہوگئے۔ کے سی آر نے اس حادثے پر شدید دکھ کا اظہار کرتے ہوئے اپنے تعزیتی پیغام میں کہا کہ مرکزی اور ریاستی حکومتیں فوری طور پر متاثرین کے لیے متعلقہ اقدامات کریں۔
انہوں نے مزید کہا کہ جاں بحق افراد کے گھر والوں کو مالی امداد فراہم کی جائے اور زخمیوں کو بہترین طبی سہولیات مہیا کی جائیں۔ کے سی آر نے مرحومین کی روح کی سکون کے لیے دعائیں بھی کیں اور ان کے غم زدہ خاندان کے ساتھ اپنی گہری ہمدردی کا اظہار کیا۔
