حیدرآباد میں جمعرات کو میلاد النبی صلعم جلوس

حیدرآباد: شہر حیدرآباد میں گنیش جلوس کے پیش نظر میلاد النبی صلعم کا جلوس موقر کردیا گیا تھا، یہ جلوس کل نکالا جائے گا۔

مرکزی میلاد جلوس کمیٹی کے زیراہتمام میلاد جلوس جمعرات 19 ستمبر کو بعد نماز ظہر تاریخی مکہ مسجد سے نکالا جائے گا۔ یہ جلوس چارمینار، گلزار حوض، پتھر گٹی، مدینہ بلڈنگ، نیا پل، سالارجنگ میوزیم، دارالشفا چوراہا، پرانی حویلی، منڈی میرعالم، اعتبار چوک، کوٹلہ علیجاہ، بی بی بازار سے والٹاچوراہے پر اختتام کو پہنچے گا۔

مرکزی میلاد جلوس کمیٹی کی جانب سے اس سلسلہ میں تیاریاں مکمل کرلی گئی ہیں۔ شمع محمدی کے پروانوں سے اس جلوس میں شرکت کی خواہش کی جاتی ہے۔