نظام آباد: آر ایس ایس سربراہ موہن بھاگوت نے کہا ہے کہ ہندوؤں کو منظم کرنے کے مقصد سے کے بی ہیڈگیوار نے راشٹریہ سویم سیوک سنگھ (آر ایس ایس) کی بنیاد رکھی تھی۔ انہوں نے ہندو سماج کو مزید متحد ہونے کی ضرورت پر زور دیا۔
موہن بھاگوت نے نظام آباد ضلع کے رینجل منڈل کے کاندکرتی گاؤں کا دورہ کیا، جہاں انہوں نے “کیشو اسپرُتی مندر” کا افتتاح انجام دیا۔ اس موقع پر خطاب کرتے ہوئے انہوں نے کہا کہ یہ مرکز ہر ہندو کے لیے تحریک کا ذریعہ بنے گا اور سب کو یہاں کا دورہ کرنا چاہیے۔
انہوں نے کہا کہ تاریخ کو آنے والی نسلوں تک پہنچانا بے حد ضروری ہے۔ بھاگوت کے مطابق ہیڈگیوار کی خواہش تھی کہ برطانوی حکمرانوں کو ملک سے نکالا جائے، اور یہ خواب پورا ہو چکا ہے۔
انہوں نے کاندکرتی کو ملک کے لیے ایک مثالی مقام بنانے کی خواہش بھی ظاہر کی۔
