نامپلی آتشزدگی واقعہ۔اکھیل اور پرنیت کو بچانے کی کوشش میں امتیاز اور حبیب جاں بحق

حیدرآباد: نامپلی اسٹیشن روڈ پر ہندی پرچار سبھا کی عمارت کے قریب سائی وشواس چیمبرز نامی پانچ منزلہ عمارت میں بچہ فرنیچر کی دکان جس میں آگ لگنے کا واقعہ پیش آیا جس کے نتیجہ میں 5 افراد کی موت ہوگئی۔

اس دکان میں تقریباً 22 افراد کام کرتے ہیں۔وہاں واچ مین کے طور پر کام کرنے والے یادیا اور لکشمی جوڑے اپنے دونوں بچوں پرنیت (11) اور اکھیل (7) کے ساتھ سیلر میں رہتے تھے۔ہفتہ کو دونوں بچے اسکول نہیں گئے اور گھر میں ہی رہے۔ والدین نے بچوں سے کہا کہ وہ سیلر میں کھیلیں اور خود کام پر چلے گئے۔

دوپہر کے قریب عمارت کے دونوں سیلروں میں آگ لگ گئی۔ دھواں دیکھتے ہی عملے نے باہر بھاگ کر نکل گئے۔دکان میں کام کرنے والے سبحان پور کے محمد انتیاز (27) اور شاستری پورم کے سید حبیب (40) سیلر میں پھنسے ہوئے پرنیت، اکھیل اور بی بی (55) کو باہر نکالنے کے لیے اندر گئے لیکن واپس نہ آئے۔

دھواں بہت زیادہ پھیل جانے کی وجہ سے ریسکیو آپریشن میں رکاوٹ پیدا ہوئی۔اتوار کی صبح بھی امدادی کارروائیاں جاری رہیں۔فرنیچر کی دکان والی عمارت کے سیلر میں جے سی بی سے سوراخ کر کے کام شروع کیا گیا۔