فون ٹیپنگ کیس میں اہم پیش رفت، کے ٹی راما راؤ کو ایس آئی ٹی کی نوٹس، جوبلی ہلز دفتر طلب

فون ٹیپنگ کیس میں ایک اہم پیش رفت سامنے آئی ہے۔ سابق وزیر اور بی آر ایس کے کارگزار صدر کے ٹی راما راؤ کو اسپیشل انویسٹی گیشن ٹیم (ایس آئی ٹی) کی جانب سے نوٹس جاری کی گئی ہے۔ نوٹس میں انہیں جمعہ کی صبح 11 بجے جوبلی ہلز میں واقع ایس آئی ٹی کے دفتر میں تفتیش کے لیے حاضر ہونے کی ہدایت دی گئی ہے۔

 

واضح رہے کہ فون ٹیپنگ کیس میں اس سے قبل سابق وزیر ہریش راؤ سے ایس آئی ٹی نے تقریباً ساڑھے سات گھنٹے تک تفصیلی پوچھ تاچھ کی تھی۔ دورانِ تفتیش مختلف پہلوؤں پر سوالات کیے گئے اور کیس سے جڑے شواہد کے بارے میں معلومات حاصل کی گئیں

 

۔ حکام نے اس موقع پر سخت ہدایت دی ہے کہ اس معاملے کی تفتیش سے متعلق کسی بھی گواہ سے کسی صورت رابطہ نہ کیا جائے اور نہ ہی انہیں متاثر کرنے یا دباؤ ڈالنے کی کوشش کی جائے۔

 

غیر قانونی فون ٹیپنگ کے الزامات پر یہ کیس 10 مارچ 2024 سے زیرِ تفتیش ہے۔ پولیس کے مطابق اب تک بعض ملزمین کے خلاف مرکزی چارج شیٹ داخل کی جا چکی ہے، جبکہ دیگر پہلوؤں پر تحقیقات جاری ہی

 

ں۔ ایس آئی ٹی کا کہنا ہے کہ معاملے کی حساسیت کے پیش نظر تفتیش کو مزید گہرائی کے ساتھ آگے بڑھایا جا رہا ہے اور ضرورت پڑنے پر دیگر اہم شخصیات کو بھی پوچھ تاچھ کے لیے طلب کیا جا سکتا ہے۔