چیف منسٹر ریونت ریڈی کی راہول گاندھی سے ملاقات، جوبلی ہلز کے نومنتچب رکن اسمبلی نوین یادو کا کروایا تعارف 

چیف منسٹر ریونت ریڈی کی راہول گاندھی سے ملاقات، جوبلی ہلز کے نومنتچب رکن اسمبلی نوین یادو کا کروایا تعارف

 

کانگریس لیڈر راہول گاندھی سے چیف منسٹر ریونت ریڈی نے نئی دہلی میں ملاقات کی۔ اس اہم اجلاس میں کرناٹک کے چیف منسٹر سدارامیا، کانگریس کے نیشنل جنرل سکریٹری کے سی وینوگوپال بھی شریک ہوئے۔

 

جوبلی ہلز ضمنی انتخاب میں کامیابی حاصل کرنے والے نو منتخب ایم ایل اے نوین یادو، تلنگانہ پردیش کانگریس کمیٹی کے صدر مہیش کمار گوڑ اور ڈپٹی چیف منسٹر بھٹی وکرمارک بھی اس موقع پر  موجود تھے

 

ذرائع کے مطابق اس اجلاس میں جوبلی ہلز ضمنی انتخاب میں کانگریس کی حالیہ کامیابی، تلنگانہ کی موجودہ سیاسی صورتحال اور حکمتِ عملی پر تفصیلی بات چیت ہوئی۔

 

ریاست میں جلد ہی بلدیات  و مجالس مقامی انتخابات منعقد ہونے کے امکانات ہیں جس  کے پیشِ نظر، ان انتخابات سے متعلق تیاریوں اور پارٹی کی حکمتِ عملی پر بھی گفتگو ہونے کی توقع ہے۔