سعودی بس حادثہ پر متنازعہ ریمارکس کرنے والے عہدیدار صفی اللہ کا تبادلہ – تلنگانہ حکومت کی فوری کارروائی

سعودی عرب کے شہر مدینہ منورہ کے قریب پیر کی صبح بس حادثے میں جاں بحق ہونے والوں عمرہ زائرئن کے بارے میں تلنگانہ اردو اکیڈمی کے ڈائریکٹر سکریٹری محمد صفی اللہ کے توہین آمیز ریمارکس کے بعد حکومت نے فوری طور پر ان کا تبادلہ کر دیا۔

 

صفی اللہ نے حادثہ کے متاثرین کے بارے میں حج ہاؤس میں جمع متاثرہ خاندان کے افراد سے کہا تھا کہ ’’کیا وہ سعودی عرب جلے ہوئے نعشیں دیکھنے جا رہے ہیں؟‘‘ ملے ہوئے تکڑوں کو کیا دیکھتے ؟ ان کے اس متنازعہ ریمارکس پر شدید احتجاج ہوا،اور ان کی بدتمیزی کا ویڈیو سوشل میڈیا پر وائرل ہوا

 

اس کے علاوہ بی آر ایس قایدین سمیت دیگر نے مذمت کی۔ حکومت نے صفی اللہ کو ان کے عہدے سے ہٹا کر انہیں ٹی جی جینکو واپس بھیجنے کا حکم دے دیا۔ اور فوری احکامات بھی جاری کردئے

 

حکومت کے بیان میں کہا گیا کہ اس قسم کے بیانات نہ صرف متاثرہ خاندانوں کی دل آزاری کرتے ہیں بلکہ ریاستی اداروں کی ساکھ کو بھی نقصان پہنچاتے ہیں۔