معصوم بچوں کی جھاڑو سے پٹائی۔ جگتیال بوائز ٹرائیبل ویلفیر ہاسٹل میں واقعہ

جگتیال : ریاست تلنگانہ جگتیال شہر کے بوائز ٹرائیبل ویلفیر ہاسٹل میں باورچی کے معاون کی جانب سے کئی طلبہ کو جھاڑو سے مارنے کا ویڈیو وائرل ہو گیا ہے۔

اس واقعے پر ضلع کلکٹر ستیہ پرساد نے پیر کے روز تحقیقات کا حکم دیا۔ضلع ویلفیر آفیسر راج کمار نے طلبہ سے تفصیلات حاصل کر کے اپنی رپورٹ کلکٹر کو پیش کی۔ اس کے بعد کلکٹر نے باورچی کے معاون سرینواس کو معطل کرنے کے احکامات جاری کیے۔

اس معاملے پر وزیر لکشمن کمار نے بھی تحقیقات کیں۔ الزام ہے کہ وہ کچھ عرصے سے نشے کی حالت میں بدسلوکی کر رہا تھا۔ بتایا جاتا ہے کہ وارڈن نے بھی اسے کئی بار انتباہ دیا تھا۔