تلنگانہ کابینہ میں بڑے پیمانے پر ردوبدل کی تیاریاں — کون ہوگا شامل، کون ہوگا خارج؟
تلنگانہ کابینہ میں بڑے پیمانے پر ردوبدل کی تیاریاں — کون ہوگا شامل، کون ہوگا خارج؟
تلنگانہ کی سیاست میں ایک بار پھر ہلچل پیدا ہوگئی ہے، کیونکہ ریاستی کابینہ میں بڑے پیمانے پر ردوبدل کے اشارے مل رہے ہیں۔ ذرائع کے مطابق آئندہ ایک ہفتے سے 10 دن کے اندر چیف منسٹر کی جانب سے نئی کابینہ کی تشکیل یا کابینہ میں تبدیلی کا فیصلہ کیا جا سکتا ہے۔
باوثوق سیاسی ذرائع کے مطابق 4 سے 5 وزراء کو کابینہ سے خارج کیا جا سکتا ہے، جبکہ کچھ نئے چہروں کو شامل کرنے کے امکانات روشن دکھائی دے رہے ہیں۔
کومٹ ریڈی راج گوپال ریڈی کو مواقع
تیزی سے گردش کرتی اطلاعات کے مطابق کومٹ ریڈی راجگوپال ریڈی کو کابینہ میں شامل کیے جانے کا قوی امکان ہے۔ اگر سب کچھ منصوبے کے مطابق رہا تو راج گوپال ریڈی جلد ہی وزیر کے عہدے پر فائز ہو سکتے ہیں۔
وزیر سیاحت جے کرشنا راو اور وزیر جنگلات کنڈا سریکھا کی چھٹی؟
سیاسی حلقوں میں یہ قیاس آرائیاں زوروں پر ہیں کہ موجودہ وزیر جوپلی کرشنا راؤ کو کابینہ سے ہٹایا جا سکتا ہے۔ تاہم اس سلسلے میں اب تک سرکاری سطح پر کوئی تصدیق نہیں ہوئی۔
اُتم کمار ریڈی کی اہلیہ پدماوتی کی شمولیت
اطلاعات کے مطابق سابق پی سی سی چیف و وزیر ابپاشی اُتم کمار ریڈی کی اہلیہ پدماوتی کو کابینہ میں شامل کرنے پر غور جاری ہے، اور بتایا جا رہا ہے کہ انہیں کونڈا سُریکھا کی جگہ وزیر بنایا جا سکتا ہے۔
وزیر کومٹ ریڈی وینکٹ ریڈی کو دہلی ذمہ داری؟
ذرائع کے مطابق کوماٹ ریڈی وینکٹ ریڈی کو دہلی سیاست میں اہم ذمہ داری دی جا سکتی ہے اور انہیں اے آئی سی سی میں شامل کرنے کا امکان ظاہر کیا جا رہا ہے۔
مہیش کمار گوڑ کابینہ میں؟
اطلاعات کے مطابق موجودہ وزیر پونم پربھاکر کی جگہ مہیش کمار گوڑ کو کابینہ میں شامل کرنے کی تیاری ہے۔اسی طرح پونم پربھاکر کو دہلی میں اے آئی سی سی کے جنرل سکریٹری کے عہدے پر فائز کئے جانے کا امکان ظاہر کیا جا رہا ہے۔
پی سی سی چیف میں تبدیلی؟
سیاسی ذرائع کا دعویٰ ہے کہ پی سی سی صدر کے عہدے پر تبدیلی بھی زیر غور ہے، اور موجودہ وزیر سریؑدھر بابو کو نیا پی سی سی چیف بنانے کی تجاویز سامنے آئی ہیں۔ یہ بھی اطلاع ہے کہ ریاست کے وزیر داخلہ کا قلمدان بھی تبدیل ہو سکتا ہے۔پارٹی ذرائع کا کہنا ہے کہ سریؑدھر بابو کو وزیر داخلہ کا عہدہ دینے پر بھی اعلیٰ سطح پر غور جاری ہے۔
آنے والے دن تلنگانہ کی سیاست کے لیے نہایت اہم ثابت ہوں گے۔کابینہ میں ردوبدل، نئی سیاسی تقرریاں اور بڑے ناموں کی انٹری — یہ سب آئندہ ہفتے سے دس دن کے اندر واضح ہونے کا امکان ہے۔
سیاسی حلقے ان تبدیلیوں کو پارٹی کی طاقت بڑھانے اور 2029 کے سیاسی نشانے کے لیے حکمتِ عملی کا حصہ قرار دے رہے ہیں۔
