تلنگانہ میں بھی ووٹرس کی جانچ کے لئے عنقریب ایس آئی آر: چیف الیکشن کمشنر گیانیش کمار

مرکزی الیکشن کمیشن کے چیف الیکشن کمشنر گیانیش کمار نے کہا ہے کہ بہار میں ووٹروں کی فہرست کی خصوصی اور گہری جانچ ( ایس آئی آر ) کامیابی سے مکمل ہوئی، جسے اب تلنگانہ میں بھی نافذ کیا جائے گا۔ اس سلسلے میں حیدرآباد کے راویندر بھارتی میں بوتھ سطح کے افسران کے ساتھ اجلاس منعقد ہوا۔

انہوں نے کہا کہ بھارتی انتخابی نظام عالمی سطح پر رہنمائی کی حیثیت اختیار کر چکا ہے اور بہار میں جانچ کے بعد 7 کروڑ 50 لاکھ ووٹروں پر مشتمل نئی فہرست پر کوئی شکایت موصول نہیں ہوئی۔

چیف الیکشن کمشنر نے بتایا کہ تلنگانہ میں ایک بوتھ افسر کے ذمہ اوسطاً 930 ووٹر ہوتے ہیں، اس لیے درست اور شفاف جانچ انتہائی ضروری ہے۔ انہوں نے بوتھ سطح کے افسران کو آئین کے مضبوط سپاہی قرار دیتے ہوئے اس عمل کو کامیاب بنانے کی اپیل کی۔