حیدرآباد کے چندراین گٹہ میں بارش سے دیوار منہدم، کار حادثے سے بال بال بچی

حیدرآباد کے چندراین گٹہ میں سی آر پی ایف کی دیوار بارش میں منہدم، کار حادثے سے بال بال بچی

 

حیدرآباد کے چندرائن گٹہ  علاقے میں جمعہ کی شام ہوئی شدید بارش کے باعث سینٹرل ریزرو پولیس فورس (CRPF) گروپ سینٹر کی حفاظتی دیوار منہدم ہوگئی۔ واقعہ اس وقت پیش آیا جب ایک کار وہاں سے گزر رہی تھی۔

 

دیوار کا ایک بڑا حصہ سڑک پر آ گرا لیکن خوش قسمتی سے کار سوار وقت پر رک گیا، جس سے ایک بڑا حادثہ ٹل گیا۔

 

مقامی افراد کے مطابق، اگر کار کچھ لمحے پہلے وہاں سے گزرتی تو جانی نقصان کا خدشہ تھا۔ واقعہ کی اطلاع متعلقہ حکام کو دے دی گئی ہے اور مزید بارش کے پیشِ نظر حفاظتی اقدامات کا مطالبہ کیا جا رہا ہے۔