وزیراعظم مودی کی جانب سے بتائے گئے راز کا تلنگانہ کے وزیر تارک راماراو نے دیا کرارا جواب
حیدرآباد _3 اکتوبر ( اردولیکس) تلنگانہ کے وزیر تارک راماراو نے وزیراعظم نریندر مودی کے ان الزامات کی تردید کی کہ چیف منسٹر چندرشیکھرراو نے جی ایچ ایم سی انتخابات کے بعد این ڈی اے میں شامل ہونے کی کوشش کی۔ انہوں نے واضح کیا کہ کے سی آر ایک جنگجو ہیں اور دھوکہ بازوں سے کبھی ہاتھ نہیں ملائیں گے۔ انہوں نے کہا کہ انہیں این ڈی اے میں شامل ہونے کی کوئی خواہش نہیں ہے۔
انہوں نے پوچھا کہ کیا انہیں این ڈی اے میں شامل ہونے کے لیے پاگل کتے نے کاٹا؟ انہوں نے کہا کہ یہ ڈوبتا ہوا جہاز ہے.. سب پارٹیاں پہلے ہی جا چکی ہیں۔ شیو سینا، جے ڈی یو، تیلگو دیشم اور شرومنی اکالی دل پارٹیاں چھوڑ چکی ہیں۔ سی بی آئی، ای ڈی اور آئی ٹی کے علاوہ این ڈی اے میں کون ہے؟
انہوں نے تنقید کرتے ہوئے کہا کہ اب سے اگر کوئی وزیر اعظم مودی سے ملے تو بہتر ہوگا کہ وہ ویڈیو کیمرہ ساتھ رکھیں اور ان کے ہر لفظ کو ریکارڈ کریں۔ انہوں نے کہا کہ مودی کو ایک ہی بات کرنے کی عادت ہو گئی ہے چاہے وہ کسی بھی ریاست میں جائیں۔
تارک راماراو نے کہا کہ مجھے چیف منسٹر بنانے کے لئے وزیراعظم مودی سے اجازت لینے کی کیا ضرورت ہے جس طرح کے وزیراعظم نے کہا کہ چیف منسٹر چندرشیکھرراو نے اپنے بیٹے کو چیف منسٹر بنانے کے لئے مجھ سے آشیرواد مانگا تھا تارک راماراو نے وزیراعظم کے اس بیان کو مسترد کردیا اور واضح کیا کہ ۔ اگر مجھے چیف منسٹر بنانا ہے ہم اپنی پارٹی میں خود فیصلہ لیں گے. وزیراعظم سے اجازت کیوں لیں گے
PM Modi should start writing stories for movies. He will make a great story writer: BRS Working President @KTRBRS. pic.twitter.com/dDc7ZO7cy3
— BRS Party (@BRSparty) October 3, 2023
