قتل کے بعد دوگروپس میں تصادم، مجسد پرحملہ۔ گجرات میں فرقہ وارانہ کشیدگی

نئی دہلی: ریاست گجرات کے ضلع کچھ کے بھج میں ایک شخص کے قتل کی واردات کے بعد دو گروپس میں تصادم ہوگیا۔ بھج کے مادھا پورعلاقے میں دودھ بیچنے والے نوجوان کو چاقو مار کر قتل کر دیا گیا۔ واقعہ کی خبر پھیلتے ہی مشتعل ہجوم سڑکوں پر نکل آیا اور ایک مسجد پرحملہ کیا اور دکانوں میں توڑ پھوڑ کی۔ صورتحال پر قابو پانے اور امن کی بحالی کے لیے اعلیٰ افسران سمیت بڑی تعداد میں پولیس فورس تعینات تھے۔ صورتحال اب قابو میں ہے۔ پولیس نے عوام سے اپیل کی ہے کہ وہ امن برقرار رکھیں اور جھوٹی خبروں اور غلط خبروں پر توجہہ نہ دیں۔ فرقہ وارانہ بھڑک اٹھنے کے پیش نظر پولیس نے دونوں گروپوں کی شکایت درج کر لی ہے۔