تلنگانہ بی جے پی کے نو منتخب ارکان نے اکبراویسی کے ہاتھوں حلف نہیں لیا

حیدرآباد _ بی جے پی  کے نو منتخب 8 ارکان نے حکومت کی جانب سے مجلس کے فلور لیڈر اکبرالدین اویسی کو عبوری اسپیکر مقررکرنے کے خلاف اسمبلی میں منعقدہ حلف برداری کی تقریب سے دوری اختیار کی اور اکبراویسی کے ہاتھوں حلف لینے سے انکار کردیا

۔پارٹی کے اس فیصلہ سے میڈیا کو واقف کرواتے ہوئے بی جے پی کے ریاستی صدرجی کشن ریڈی نے کہاکہ ان کی پارٹی کے ارکان اسمبلی حلف برداری کی تقریب سے دوری اختیار کئے ہوئے ہیں کیونکہ اسمبلی کے اصولوں کے خلاف اکبراویسی کو عبوری اسپیکر مقررکیاگیا ہے۔

انہوں نے کہا کہ اگرچہ کہ اسمبلی میں کئی دیگر سینئر ارکان بھی ہیں تاہم ریاستی حکومت نے اکبراویسی کا انتخاب کیا۔انہوں نے کہاکہ اس بات کی شکایت گورنر سے کی گئی ہے ۔انہوں نے کہا کہ پارٹی کے ارکان اسمبلی، مستقل اسپیکر کے انتخاب کے بعد حلف لیں گے