ہندوستان کے فوجداری قوانین میں بڑی تبدیلی _ آئی پی سی ، سی آر پی سی کی جگہ نئے قوانین _ غداری کا قانون منسوخ، ہجومی تشدد پر 7 سال قید
نئی دہلی _ 11 اگست ( اردولیکس) حکومت ہند نے ملک میں انگریزوں کے دور کے قوانین کو ختم کرتے ہوئے نئے قوانین کو متعارف کرنے کا فیصلہ کیا ہے اسی کے ایک حصے کے طور پر نریندر مودی حکومت نے ملک کے موجودہ قوانین آئی پی سی ، سی آر پی سی اور ایویڈینس ایکٹ کے بجائے تین نئے قوانین تیار کئے ہیں
مرکزی وزیر داخلہ امیت شاہ نے آج لوک سبھا میں تین نئے بل پیش کیے ہیں۔ آئی پی سی، سی آر پی سی اور ایویڈینس ایکٹ کی جگہ نئے بل متعارف کرائے گئے ہیں۔ انہوں نے قائمہ کمیٹی کو ان بلوں پر مزید بحث کرنے کی سفارش کی۔
امیت شاہ نے پارلیمنٹ میں بل پیش کرنے کے بعد اعلان کیا کہ آئی پی سی کی جگہ انڈین سول پروٹیکشن کوڈ، سی آر پی سی کے بجائے انڈین لاء کوڈ اور ایویڈینس ایکٹ کی جگہ انڈین ایویڈنس ایکٹ لایا جائے گا۔
اس کے علاوہ فوجداری طریقہ کار میں 313 تبدیلیاں کی گئیں۔ اب سے خواتین کے خلاف عصمت دری کے معاملات میں سزائے موت، پولیس کی تلاشی میں ویڈیو ریکارڈنگ لازمی، ہجومی حملوں کے لیے سات سال قید، اجتماعی عصمت دری کے لیے 20 سال قید، اور کہیں سے بھی ای ایف ایس آئی آر کے اندراج کا امکان بنایا گیا ہے۔ امیت شاہ نے کہا کہ ہم نے غداری کے قانون کو منسوخ کردیا ہے یہ تبدیلیاں مقدمات کے جلد حل کے لیے کی جا رہی ہیں۔
#WATCH | Union Home Minister Amit Shah says, "…Under this law, we are repealing laws like Sedition…," as he speaks on Bharatiya Nyaya Sanhita Bill, 2023; The Bharatiya Sakshya Bill, 2023 and The Bharatiya Nagrik Suraksha Sanhita Bill in Lok Sabha. pic.twitter.com/CHlz0VOf7Z
— ANI (@ANI) August 11, 2023