نعت پاک

جو شفیعِ بروز محشر ہے

شکر ہے وہ ہمارا رہبر ہے

 

میرے ہونٹوں پہ نعتِ سرور ہے

کتنا اعلٰی مرا مقدر ہے

 

جس نےخوشبو مدینے کی پائی

نازاں اس پہ گلاب وہ عنبر ہے

 

اس میں ہوتا ہے ذکرِ آلِ نبی

کیا یونہی میرا گھر معطر ہے

 

یہ مدینہ ہے میرے آقا کا

خلد جیسا یہاں کا منظرہے

 

آقا آئے ہیں بخشوانے کو

مجھ سا عاصی جو پیشِ داور ہے

 

درس دیتا ہے دین کا جو بھی

ہم سبھی میں وہ سب سے بہترہے

 

مال و زر اور یہ زندگی "زاہد”

ان کی عظمت پہ سب نچھاور ہے

محمد زاہد رضا بنارسی

دارالعلوم حبیبیہ رضویہ گو

پی گنج ،بھدوہی۔یوپی۔بھارت