ای اسپورٹس ورلڈ کپ 2025: ریاض میں ایئرپورٹ پر مسافروں کے لئے خصوصی مہر
کے این واصف
سعودی وزارت داخلہ کے تحت محکمہ پاسپورٹ نے ای اسپورٹس ورلڈ کپ فاونڈیشن کے تعاون سے ای اسپورٹس ورلڈ کپ 2025 کے موقع پر خصوصی مہر جاری کی ہے۔سعودی خبر رساں ایجنسی “ایس پی اے” کے مطابق خصوصی امیگریشن مہر 7 جولائی سے 24 اگست تک بلیو ارڈ سٹی ریاض میں ہونے والے ای اسپورٹس ورلڈ کپ کے دوران کنگ خالد انٹرنیشنل ایئرپورٹ پر اترنے والے مسافروں کے پاسپورٹ پر لگائی جائے گی۔
واضع رہے کہ 18 دسمبر 1973 کو اقوام متحدہ کی جنرل اسمبلی نے عربی زبان کو اپنی سرکاری زبانوں میں شامل کرنے کا فیصلہ کیا۔یاد رہے سعودی دارالحکومت ریاض7 جولائی سے 24 اگست تک ای اسپورٹس ورلڈ کپ کی میزبانی کرے گا۔ای اسپورٹس ورلڈ کپ فاونڈیشن نے پرتگالی فٹبال لیجنڈ اور النصر کلب کے کھلاڑی کرسٹینا رونالڈو کو ای اسپورٹس ورلڈ کپ 2025 کے لیے گلوبل ایمبیسڈرمقرر کیا ہے۔
ای اسپورٹس ورلڈ کپ سب سے بڑا ایونٹ ہے، بولیوارڈ سٹی میں ایلیٹ ٹیموں کی نمائندگی کرنے والے ڈھائی ہزار پروفیشنل پلیئرز کو ایک جگہ اکھٹا کرتا ہے۔گیمنگ کی دنیا کے سب سے بڑے انعامات رکھے گئے ہیں جن کی مالیت 60 ملین ڈالر ہے۔ سعودی عرب میں گیمنگ اور ای اسپورٹس انڈسٹری تیزی سے ترقی کر رہی ہے جس میں ملکی گیم ڈویلپرز اور خطے میں عالمی سطح کے مقابلوں کی حوصلہ افزائی کے لیے بڑی سرمایہ کاری کی جا رہی ہے۔
