ریاض ایئر کے آغاز کی تیاریاں، مسافروں کےلیے بہترین سروسز 

ریاض ۔ کے این واصف

مملکت کی ایرلائین “السعودیہ” نے مارکٹ میں اپنا ایک اعلی مقام بنایا۔ اس راست پروازوں کی سروسز ہندوستانی مسافروں خصوصاُ حیدرآبادی مسافروں کیلئے بے سہولت بخش ہے۔ اور اب مملکت کی ایک اور ایرلائین مارکٹ آگئی۔

 

ریاض ایئرمیں مارکیٹنگ اینڈ کارپوریٹ کمیونیکیشن کے نائب صدر اسامہ النویصر نے کہا کہ ایوی ایشن سیکٹر میں ہمیشہ صحت مند مقابلے کا رجحان ہوتا ہے۔ فضائی مارکیٹ میں مسافروں کے لیے بہتر سے بہتر آپشنز پیش کیے جاتے ہیں۔ عربی روزنامہ “الاقتصادیہ” سے گفتگو کرتے ہوئے انہوں نے مزید کہا “ریاض ایئر” امتیاز یہ ہے کہ ایوی ایشن اینڈ ٹریلونگ کے شعبے میں ایک بڑی کمپنی کے طورپر اس کا آغاز کیا گیا جارہاہے۔ جس کے ذریعے بہترین سروسز اور آپشنز اپنے صارفین کو پیش کیے جائیں گے۔

 

جس سے مارکیٹ کے بڑے حصے کو حاصل کرنے کے لیے مسافروں کی پسند کا خیال رکھا جائے۔علاوہ ازیں بلومبرگ کی رپورٹ کے مطابق ریاض ایئر کی جانب سے بوئنگ اور ایئربس کمپنی سے بڑی جسامت والے مزید 50 اضافی طیارے خریدنے کے لیے مذاکرات کیے جارہے ہیں۔یاد رہے ریاض ایئر 2025 کی دوسری سہ ماہی میں پروازوں کا آغاز کرے گی۔ اس کی 93 فیصد پروازیں ایک منزل سے دوسری منزل تک نان سٹاپ ہوں گی۔

 

ریاض ایئر اپنے آغاز کے بعد مملکت کی تیل ماسوا آمدنی میں 75 ارب ریال کا اضافہ اور 2 لاکھ سے زیادہ براہ راست یا بالواسطہ ملازمت کے مواقع متوقع ہیں۔