تلنگانہ کے نرمل ضلع میں گوداوری ندی سے انسان جیسے دانتوں والی مچھلی برآمد

تلنگانہ کے نرمل ضلع میں گوداوری ندی سے انسان جیسے دانتوں والی مچھلی برآمد

 

مصنوعی ذہانت (AI) کے دور میں ویڈیوز اور تصاویر کی حقیقت جاننا مشکل ہو گیا ہے۔ اب ندی میں پکڑی گئی ایک مچھلی کی تصویر بھی لوگوں کو چونکا رہی ہے، کیونکہ اس کے دانت انسانی دانتوں سے مشابہ ہیں۔

 

یہ حیرت انگیز واقعہ تلنگانہ کے ضلع نرمل میں پیش آیا۔ لوکشورم منڈل کے منمد گاؤں سے تعلق رکھنے والے گنڈلا سنتوش اتوار (7 ستمبر) کو باسر کے قریب گوداوری ندی میں مچھلیاں پکڑنے گئے تھے۔ مچھلی پکڑتے ہوئے ان کے جال میں ایک ایسی مچھلی پھنس گئی جس کے دانت انسانی دانتوں جیسے دکھائی دے رہے تھے۔

 

اس مچھلی کا وزن تقریباً ڈیڑھ کلو بتایا جا رہا ہے۔ سنتوش کے مطابق دیگر ماہی گیروں کو بھی اسی ندی میں اس جیسی مچھلیاں ملی ہیں۔

 

تاہم ابھی تک یہ معلوم نہیں ہو سکا کہ یہ کس نسل کی مچھلی ہے اور کیا واقعی یہ نایاب نسل سے تعلق رکھتی ہے یا دنیا کے دوسرے حصوں میں بھی اس قسم کی مچھلیاں پائی جاتی ہیں۔