کریم نگر میں ایس آئی او کی 40 ویں یوم تاسیس _ مختلف شخصیات کا خطاب

ایس آئی او کریم نگر سٹی کی جانب سے 40 سال کے سنگِ میل کے موقع پر عظیم الشان کانفرنس کا انعقاد بمقام آئ بی اے گارڈن کشمیر گڈہ پر منعقد کیا گیا. ایس آئ او کا قیام 1982 میں کیا گیا تھا اور اسی اکٹوبر کو وہ 40 سال مکمل کر رہی ہے. اس موقع پر ایس آئی او نے ملک بھر میں کاروان نکالے, کانفرنس کا انعقاد ہوا.اسی کے سلسلہ کے طور پر کریم نگر میں بھی دہلی سے ایس آئی او کے مرکزی ذمہ داران نے پروگرام میں شرکت کی.کانفرنس کا آغاز قاری محمد ابو بکر صدیق کی تلاوتِ سے ہوا۔

مہمانان خصوصی کے طور پر تلنگانہ وقف بورڈ کے رکن ملک معتصم خان صاحب نے بھی شرکت کی آپ نے کہا کہ ہندوستان کے ان تاریک حالات کو صرف پیغام سیرت سے ہی منور کیا جاسکتا ہے۔ آپ نے کہا ک یہ امت مسلمہ کی ذمہ داری ہے کہ وہ ہندوستان کے لوگوں کو محمد ﷺ کی سیرت سے واقف کرایا جائے۔ بعدازاں ایس آئی او تلنگانہ کے صدر ڈاکٹر طلحہ فیاض الدین نے بھی نوجوانوں کو خطاب کرتے ہوئے کہا کہ وہ اپنے آپ کو پہچانے، اپنی ذمہ داریوں کو جانے اور زور دیتے ہوئے کہا کہ ملک کا مستقبل انکے ہاتھوں میں ہے۔ قبل از ایس آئی او کے کیڈر نے شاندار ریالی سے ایس آئی او کے کاروان کا استقبال کیا۔ عمر شہروز صدر ایس آئی او کریم نگر نے شرکاء کا شکریہ ادا کیا