حیدرآباد ۔نومولود بچے کو موسی ندی کے کنارے پھینک دیا گیا

حیدرآباد ۔ کسی نے نومولود بچہ کو موسی ندی کے کنارے پھینک دیا۔ یہ دل دہلا دینے والا واقعہ حیدرآباد میں پیش آیا۔ایک نوزائیدہ بچہ، جو اپنی ماں کی گرم آغوش میں سکون سے سونا چاہیے تھا، سڑک کنارے روتے ہوئے پایا گیا۔

یہ واقعہ اپل پولیس اسٹیشن حدود کے رامنتاپور ویویک نگر کے قریب پیش آیا، جہاں ایک نو زائیدہ لڑکا روتا ہوا دکھائی دیا۔ مقامی افراد نے فوراً 108 ایمبولینس کو اطلاع دی۔ طبی عملہ موقع پر پہنچ کر بچے کو ابتدائی طبی امداد فراہم کیا، بعد ازاں اپل پولیس کی مدد سے اسے نیلوفر اسپتال منتقل کیا گیا۔

ڈاکٹروں نے بتایا کہ بچہ فی الحال صحت مند ہے۔ پولیس اس بات کی تفتیش کر رہی ہے کہ اسے یہاں چھوڑنے والا کون ہے۔