پارکنگ کے مسلہ پر دونوں گروپ میں 50 راؤنڈ فائرنگ _ 2 ہلاک، 7 زخمی _ فنکشن ہال اور مکان کو آگ لگا دی گئی
پٹنہ _ 19 فروری ( اردولیکس) بہار کے پٹنہ ضلع میں اتوار کو دو گروپوں میں پارکنگ کے مسلہ پر فائرنگ کے تبادلہ ہوا جس میں دو افراد ہلاک اور 7 دیگر شدید زخمی ہو گئے۔ یہ واقعہ گتھولی گاؤں میں مقامی باہوبلی بچہ رائے اور چندریکا رائے کے درمیان پارکنگ کے تنازعہ پر پیش آیا اور کچھ ہی دیر میں معاملہ بڑھ گیا اور دونوں گروپوں نے ایک دوسرے پر فائرنگ شروع کردی۔
ایک شخص، جس کی شناخت گوتم کمار کے طور پر ہوئی، کی موقع پر ہی موت ہوگئی، جب کہ ایک اور شخص نے پٹنہ میڈیکل کالج اینڈ ہاسپٹل میں زخموں کی تاب نہ لاتے ہوئے دم توڑ دیا۔ باقی 7 زخمیوں میں تین ہاسپٹل میں زندگی اور موت کی جنگ لڑ رہے ہیں۔
ایک اہلکار کے مطابق، چندریکا رائے اپنی کار کو اپنے پرائیویٹ پارکنگ ایریا سے سڑک پر لے جا رہی تھی، جب کہ بچہ رائے اسی پارکنگ ایریا کے سامنے عمارت کا سامان اکٹھا کر رہا تھا۔ چندریکا رائے نے اس سے سامان ہٹانے کو کہا، جس کی وجہ سے ان کے درمیان زبانی تکرار ہوئی۔ بچہ رائے نے فوری اپنے ساتھیوں کو طلب کیا، جنہوں نے آکر چندریکا رائے پر فائرنگ کردی۔
ذرائع نے بتایا ہے کہ دونوں گروپوں میں 50 سے زائد راؤنڈ فائرنگ ہوئی ۔ واقعہ کے بعد شادی خانہ اور بچہ رائے کے رشتہ دار کے گھر کو بھی آگ لگا دی گئی۔ حکام نے بتایا کہ علاقے میں حالات کشیدہ ہیں۔ مگر قابو میں ہیں
Patna | A fight b/w two groups escalated into violence with firing by one group. 5 people were injured. We've got info about 2 deaths. 7 accused incl village chief arrested. Police to camp in Jethuli until situation normalises. Situation stabalising: Syed Imran Masood SP City pic.twitter.com/KKBrMkktGM
— ANI (@ANI) February 19, 2023
