تین معصوم بچوں کو پٹرول چھڑک کر آگ لگادینے کے بعد باپ کی خودکشی۔ تلنگانہ میں دل دہلادینے والی واردات

حیدرآباد: ریاست تلنگانہ کے ناگر کرنول ضلع میں ایک خوفناک واقعہ پیش آیا۔ ایک سفاک باپ نے اپنے تین بچوں پر پیٹرول چھڑک کر آگ لگا دی اور پھر خود بھی خودکشی کر لی۔ پولیس کے مطابق آندھرا پردیش کے پرکاشم ضلع کے یرراگنڈپالم

 

منڈل کے پیدابویاپلی سے تعلق رکھنے والے وینکٹیشورلو اور دیپیکا کو تین بچے بتائے گئے ہیں جن میں موکشیتا (8 سال)، ورشنی (6 سال) اور بیٹا شیوادھرم (4 سال) شامل تھے۔ بیوی کے ساتھ جھگڑوں کے تناظر میں گزشتہ ماہ 30

 

 

تاریخ کو وینکٹیشورلو اپنی بیٹیوں اور بیٹے کو لے کر سری سیلم گیا۔ وہاں سے اسی رات وہ اپنے بچوں کو لے کر تلنگانہ کے ناگرکرنول ضلع کے اچم پیٹ منڈل کے حاجی پور پہنچا۔ 31 تاریخ کو اپپوننتھلا منڈل کے سوریاتانڈہ کے قریب اس نے

 

 

اپنی چھوٹی بیٹی ورشنی اور بیٹے شیوادھرم پر پیٹرول چھڑک کر آگ لگا دی۔ اس کے بعد کلواکرتی منڈل کے تاندرا کے قریب اس نے اپنی بڑی بیٹی موکشیتا کو بھی اسی طرح قتل کر دیا۔ بعدازاں وہ کلواکرتی قصبے گیا اور وہاں سے جراثیم

 

 

کش دوا خرید کر پی لی۔ ویلدنڈا منڈل کے پیداپور کے مضافات میں بوراکونٹا کے قریب کل صبح وینکٹیشورلو کی نعش ملی۔ وینکٹیشورلو کی نعش ملنے پر اس کے بھائی ملیکارجن راؤ کی شکایت پر پولیس نے مقدمہ درج کر کے تفتیش شروع

 

 

کی۔ تینوں بچوں کی تلاش کے لیے سرچ آپریشن شروع کیا گیا۔ سی سی ٹی وی کیمروں کی فوٹیج کی جانچ پڑتال کی گئی۔ تفتیش کے دوران حیدرآباد-سری سیلم قومی شاہراہ کے دونوں طرف خصوصی ٹیمیں تلاش میں مصروف رہیں۔ اس دوران جلی ہوئی حالت میں بچوں کی نعشیں برآمد ہوئیں۔